Presentación de Fíos do querer, novo traballo de Cé Orquestra Pantasma, o mércores 24 de febreiro, ás 17:30 h.

Este mércores,Cé Orquestra Pantasma 24 de febreiro, ás 17:30 horas, teremos a Cé Orquestra Pantasma presentado o seu novo traballo, Fíos do querer.

Baixo Cé Orquestra Pantasma agóchase o vigués César Freiria, músico autodidacta e apaixoado dos instrumentos musicais. Comezou a súa andaina musical aos oito anos dentro da música tradicional e dende aquela non deixou de navegar polos variados estilos da musica popular, chegando a formar parte de grupos tan dispares entre si como A Roda ou banda de punk Oxtiax ke te Pariu.

Cé Orquestra Pantasma Fíos do querer

Recomendamos: Aventuras de Alicia no País das Marabillas, de Lewis Carroll, con ilustracións de Fausto Isorna e tradución de Xavier Queipo

Aventuras de Alicia no País das Marabillas, Xavier Queipo Lewis Carroll Alicia no Paísde Lewis Carroll, en versión galega de Xavier Queipo, con ilustracións de Fausto Isorna, está publicado El Patito Editorial.

“Hai 150 anos que saíu do prelo por vez primeira o conto que o diácono e matemático Charles Lutwidge Dodgson inventara para distraer o recreo das irmás Liddell, e que o converteu xa para sempre no escritor Lewis Carroll, seudónimo co que firmou esta obra, unha das máis influintes da literatura universal. Co gallo da efeméride velaquí esta edición, que conta coa versión galega de Xavier Queipo, escritor cunha recoñecida carreira que abrangue narrativa, poesía e ensaio, e que ten acadado numerosos galardóns —entre eles o Premio da Crítica española en 1990, o Xerais no 2011 ou o Arcebispo Juan de San Clemente do ano 2012. No campo da tradución recibiu, entre outros galardóns, o Premio Nacional pola súa colaboración na versión galega de Ulysses, de James Joyce. As colaxes que adornan o libro, obra de Fausto Isorna, pretenden fuxir da clásica iconografía de Alicia —asentada na espléndida versión de Tenniel—, e ofrecer unha ollada máis adulta, explorando as vertentes máis surrealistas e psicodélicas do texto.”

Aquí podedes ver unha entrevista ao ilustrador, Fausto Isorna, e a recensión do crítico literario Ramón Nicolás.

Recomendamos: Terra, publicación con poemas e fotografías promovida por Cultura que une

Terra, Terralibro colectivo con fotógraf@s e autor@s de Galiza e Portugal, está publicado por Cultura que une.

Cultura que une é un proxecto transminhoto, unha aposta galega e portuguesa para a comunicación libre e directa entre as dúas culturas, ou, se se quere ver así, entre dúas partes dunha mesma cultura, feito por persoas e entidades a un e outro lado do Miño, nomeadamente tendo como grande impulsora á Fundación Vicente Risco.
Terra é unha das súas primeiras materializacións, un traballo en formato de libro coa participación dest@s artist@s e escritor@s:
– Fotografía: António Pinto, Anxo Cabada, Catarina Almeida, Diogo Cardoso, Fernando Ribeiro, Iván Merayo, João Madureira, Maribel Valdivieso Varela, Santi Amil e Xosé Luís Alonso.
– Poesía: Alfredo Ferreiro, Amadeu Baptista, António Fortuna, Berta Dávila, Carlos Da Aira, João Madureira, José Braga-Amaral, Ramiro Torres, Virgínia do Carmo e Yolanda Castaño.

Aquí poden verse vídeos coas fotografías e a voz d@s autor@s.